Global uro får fleire til å gå i kyrkja

Framtida
Publisert
Oppdatert 24.05.2017 15:05

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Fleire til kyrkja grunna global uro

Medan det for 25 år sidan berre var 3,8 prosent av danskane som gjekk regelmessig til kyrkje, hadde talet i 2012 auka til 9,2 prosent, fortel den danske avisa Kristeligt Dagblad.

Saman med Bulgaria, Russland og Romania er Danmark det einaste landet i Europa der talet på personar som går til kyrkje ein gong i månaden no aukar, men fallet i kyrkjenedgangen har flata ut i heile Europa, fortel avisa.

LES OGSÅ: «Kvil i fred på begge sider»

Den amerikanske samfunnsforskaren og professoren Ronald Inglehart, som også er leiar for ei verdsomfattande verdiundersøking, meiner utviklinga heng saman med finanskrisa og meir uro i verda.

– Samla sett opplever befolkninga i Danmark og andre vesteuropeiske land ein aukande økonomisk og fysisk utryggleik. Teoretisk veit vi, at denne kjensla av utryggleik fører til auka kyrkjegang, og dei aktuelle tala er med å stadfesta at det faktisk skjer, seier han.

LES OGSÅ: Orda som bind oss saman

Når kyrkjegangen aukar spesielt mykje i Danmark, meiner den danske religionsforskaren Peter B. Andersen det også heng saman med evna den danske folkekyrkja har til å opna seg og inkludera mange ulike grupper.

– Den danske folkekyrkja har i større grad enn kyrkjene i Noreg og Sverige greidd å samla heile den protestantiske delen av befolkninga. Det er ein balansegang der folkekyrkja har greidd å fornya seg med ei lang rekkje alderstilpassa og målretta aktivitetar som nattkyrkje, babysalmesong og spagettigudstenester, samtidig som dei har greidd å halda fast på dei tradisjonsbevisste kyrkjekristne, som først og fremst kjem til høgmessa om søndagen, seier Peter B. Andersen.

LES OGSÅ: Slik sikrar du deg ei brannfri jul