Genetisk viktig ulv skoten
Ei ulvetispe som vart skoten i mai, var spesielt viktig for ulvebestanden.
Denne artikkelen er eldre enn 1 år gamal. Det betyr at noko av informasjonen kan vere utdatert.
Ulvetispa som vart skoten i Vågå i mai, kom også frå Tiveden-reviret i Sverige. Dermed er tre av fem kvelpar frå dette reviret, som ein håpa skulle hindre innavl, drepne.
Ulveparet i Tiveden-reviret er finsk-russiske immigrantar og vart flytta dit for å tilføre nye genar til den nordiske ulvestammen. Paret fekk minst fem kvelpar i fjor, men tre av dei er altså skotne etter å ha vandra ut av reviret.
LES OGSÅ: – Ulv burde vere fritt vilt
Hannulven som vart skoten i Sykkylven på Sunnmøre i førstninga av juni, var også frå dette kullet.
Heldigvis har ulveparet truleg fått nye kvelpar i år, melder Rovdata.
LES OGSÅ: Ørn mobba av kråke
