Are Kalvø på bestseljarlista

I slutten av september lanserte Are Kalvø «Hyttebok frå helvete», der han tek eit oppgjer med frilufshysteriet.

Boka, som er gitt ut på Kagge forlag, har no segla opp på tredjeplass på bestseljarlista til Bokhandlerforeningen.

På Instagram vågar Kalvø seg på litt snikskryt:

 

Se dette innlegget på Instagram

 

Eg er jo ikkje ein skrytete type, men bestseljarlista denne veka viser trass alt at eg har oppnådd det som alltid har vore mitt store mål: å bli landets nest mest populære ikkje-skjønnlitterære forfattar som aldri har hatt eigen blogg.

Et innlegg delt av Are Kalvø (@are_kalvo) Okt. 5, 2018 kl. 12:55 PDT

På toppen av lista for veke 39 tronar nemleg bloggar Anniken E. Jørgensen, kjent under bloggnamnet «Annijor», si omdiskuterte bok Bare en natt til. Ho held med dette førsteplassen frå veka før.

På andreplass kjem Gunhild A. Stordalen og Jonas Forsang sitt bokprosjekt, Gunhild A. Stordalen: Det store bildet.

Også andreplassen held seg stabilt, medan Kalvø har klatra frå ein niande til ein tredjeplass.

I samband med lanseringa turnerer Kalvø i desse dagar landet rundt. Fram til 1. desember skal han innom 35 stader frå Kristiansand i sør til Trondheim i nord

Den alternative hytteboka er òg seld til Sverige, Danmark, Tyskland og Nederland.

Les også: Are Kalvø meiner fjellheimen er oppskrytt