Her har elevane kvar sin pc
Svære forskjellar mellom kommunane i talet på elevar per pc.
Denne artikkelen er eldre enn 1 år gamal. Det betyr at noko av informasjonen kan vere utdatert.
NULL
Hol og Leka er best i landet på pc i skulen. Leka i Nord-Trøndelag hadde i fjor 0,9 elevar per pc. Lenger sør i same fylke, i Frosta, måtte fleire enn ni elevar dela på éin pc i 2009. Dette viser tal frå KOSTRA.
Råde, Storfjord, Værøy, Meland og Eidsberg er kommunar der fleire enn seks elevar måtte dela på éin pc.
Allereie for fire år sidan føreslo eit utval nedsett av Kunnskapsdepartementet at maks to ungdomsskuleelevar skal dela på éin pc, medan maks fire elevar på mellomtrinnet skal dela éin pc. Men berre ein liten brøkdel av elevane i landet er i dag to på ein pc.
Digital kompetanse er ein av dei fem grunnleggjande dugleikane som skal gå inn i alle faga, ifølgje Kunnskapsløftet. I Soria Moria-erklæringa frå 2005 lova Stoltenberg-regjeringa at alle lærarar og elevar skal ha tilgang på pc.
