Skrivekonkurranse: Kva kan skjønnlitteraturen gi oss?
Framtida.no, Falturiltu og Magasinett arrangerer skrivekonkurranse for ungdom om lesing.
Denne artikkelen er eldre enn 1 år gamal. Det betyr at noko av informasjonen kan vere utdatert.
Skrivekonkurranse: Kva kan bøker gi oss?
Me premierer førsteplassen med 2000 kroner. Alle som er med i skrivekonkurransen kan bli trekt ut som vinnarar av bokpremiar.
Tips til kva du kan skrive om:
– Ta utgangspunkt i ein klassikar du er glad i, og skriv om kva som gjer boka aktuell i dag og/eller kva me kan læra av å lesa litteratur
– Skriv om kva ein går glipp av når ein ikkje les.
– Les ein verdsklassikar og skriv om opplevinga di.
– Skriv eit lesarinnlegg om kva du meiner om norskfaget i skulen. Blir det brukt for mykje eller for lite tid på skjønnlitteratur? Grunngi meiningane dine!
– Nokon seier at tv-serien er den nye romanen. Diskutér!
Sjanger: Debattartikkel, lesarbrev, kåseri eller petit
Lengde: Maks 4000 teikn (inkl. mellomrom), men gjerne kortare!
Premie: 1. plass: 2000 kroner. Alle som er med i skrivekonkurransen kan bli trekt ut som vinnarar av bokpremiar.
Målform: Nynorsk
Innleveringsfrist: 4. september
Teksten din kan du sende inn til magasinett@gmail.com!
Ta kontakt på epost, viss du har spørsmål!
Prosjektet er ein del av prosjektet Verdslitteratur på nynorsk og er støtta av Norsk Kulturråd.
