Vekas viktigaste: Tannlegeforbod og ytre høgre-marsj

Fyrste generalstreik på 14 år i Spania

I Spania har millionar av menneske no gått ut i streik, og i hovudstaden Madrid demonstrerte 120 000 menneske i gatene, skriv BBC.

Dette er den fyrste generalstreiken på 14 år, og han kjem som eit resultat av langvarige protestar mot bustadkrisa i landet.

Fleire stader har det oppstått konflikt mellom demonstrantar og politi. Søppelkasser skal ha blitt tent på, vindauge knust, og det har blitt nytta tåregass.

Myndigheitene i landet støttar dei pågåande demonstrasjonane. Spania har stortingsval seinare i år, 29. november.

Stor ytre høgre-marsj i Polen

Rundt 250 000 menneske marsjerte i gatene på Polens nasjonaldag, med slagord som «kvitt Polen» og «reint Polen», skriv NRK.

Heilt sidan 2010 har nasjonalistar frå heile Europa reist til Polen på nasjonaldagen deira. Årets oppmøte er rekordstort.

Ein ekspert seier til NRK at oppmøtet truleg har samanheng med den politiske splittinga i Polen. Det er konflikt mellom landets liberale statsminister Donald Tusk og den høgreorienterte presidenten Karol Nawrock.

Laurdag førre veke blei seks personar skotne og drepne på hovudtorget i Krakow, av ein mann som ifølgje Polens justisminister kan ha vore inspirert av høgreekstremisme.

Det er ikkje vist ein direkte samanheng mellom skytinga og det rekordstore oppmøtet, sjølv om det kan ha bidratt.

Klimatoppmøtet er i gang

FNs klimatoppmøte COP31 går i desse dagar føre seg i Antalya i Tyrkia. FN-sjef António Guterres seier i opningstalen at verda no må gå frå ord til handling.

Ein ny rapport viser at verda er på veg mot globale temperaturar som vil få enorme konsekvensar for milliardar av menneske.

At verda går over dei globale temperaturmåla skuldast av manglande internasjonal handling, ifølgje rapporten.

Både statsminister Jonas Gahr Støre og klimaaktivist Greta Thunberg har halde tale på toppmøtet. Mellom anna lova Støre 40 milliardar til nye klimatiltak, skriv Aftenposten.