NTNU med eige ølbryggar-studium
Ved NTNU i Trondheim kan studentane no ta master i ølbrygging.
Denne artikkelen er eldre enn 1 år gamal. Det betyr at noko av informasjonen kan vere utdatert.
Ølbrygge-master på NTNU
Bakgrunnen for det nye bioteknologifaget er den aukande interessa for norsk øl og heimebrygging og den veksande mikrobryggerinæringa over heile landet.
– Ettersom heimebrygging har vorte så populært, måtte vi berre kaste oss på, seier professor Per Bruheim ved Institutt for bioteknologi ved Noregs teknisk-vitskaplege universitet (NTNU) til NRK.
LES OGSÅ: «Pale Ale is the new pils»
Ved det vesle Austmann bryggeri på Byneset i Trondheim kan no studentane analysere øl og lære meir om yrket, og instituttet håper etter kvart å få etablert samarbeid med fleire bedrifter. På campusen har instituttet dessutan laga eit eige eksperimentelt mikrobryggeri der ølbrygginga kan studerast på ein vitskapleg måte.
– Vi gir studentane oppgåver som er reelle for industrien og lærer dei å analysere ølet. Det er det mange småbryggeri som slit med i dag, seier Bruheim. (©NPK)
LES OGSÅ: Stor auke i heimebrygging av øl
