Fleire nyutdanna politi har fått jobb etter studiane. | Foto: Heiko Junge / NTB / NPK
Nesten alle politistudentar i jobb
Så godt som heile 2025-kullet frå Politihøgskolen hadde jobb i politiet ved årsskiftet, viser nye tal frå Politidirektoratet.
Totalt var 97,2 prosent av dei nyutdanna i arbeid, noko som tilsvarer 457 personar, skriv Politiforum.
Dette er den høgaste delen nyutdanna med politijobb eit halvt år etter fullført utdanning på meir enn ti år.
Også mengda som har fått fast stilling, er historisk stor. Ved utgangen av 2025 hadde 60 prosent av dei som var i jobb, fast tilsetjing. Det står i kontrast til situasjonen for to år sidan, då ein svært liten del av dei nyutdanna hadde faste stillingar.
Annonse
