Skrivekonkurranse: Noreg i verda

Oppgåve 1: Kven leier verda?

Skriv eit meiningsinnlegg om kva person, land og/eller organisasjon du meiner er viktigast i verda. Kvifor er desse viktige? Kva påverknad har dei på resten av verda? Korleis forvaltar dei makta si og er det eventuelt andre aktørar som burde fått meir makt?

Hugs eit tydeleg bodskap og kjelder for å byggje opp argumenta dine.

Oppgåve 2: Noreg og EU

Noreg stemte nei til å bli med i EU i 1994, noko som betyr at ingen under 49 år har stemt over norsk EU-medlemskap. Set deg inn i den pågåande debatten om norsk EU-medlemskap og skriv eit meiningsinnlegg der du legg fram ditt syn på saka, og kvifor du meiner det. Du vel sjølv kva argument du vel å fokusere på. Du kan til dømes velje å skrive eit innlegg for eller imot norsk EU-medlemskap, eller for eller imot ei ny folkeavstemming.

Hugs eit tydeleg bodskap og kjelder for å byggje opp argumenta dine.

Oppgåve 3: Ung i 2026

Skriv ei tekst om korleis det er å vere ung i verdsbiletet vi ser i 2026.

Teksta bør ha eit tydeleg poeng. Du vel sjølv kva teksta handlar om, men her er nokre spørsmål som kan vere til hjelp: Påverkar det som skjer i verda kvardagen din, eller ikkje? Er det éi spesifikk hending som opptek deg ekstra? Kva uroar deg, og kva gir deg håp for framtida? Kva meiner du vi må gjere, som samfunn eller enkeltpersonar?

Teksta skal vere basert på fakta og eigne meiningar, men vel sjølv om du skriv eit meiningsinnlegg, eit essay eller eit kåseri.