Rekordmange nominasjonar til Årets ungdomskommune
Nesten 30 små og store kommunar er nominerte til prisen som heidrar kommunar som har utmerkt seg i arbeidet med ungdomsmedverknad. Det er fleire enn nokon gong.
Prisen blir delt ut annakvart år og går til ein kommune som har gjort ein ekstra god jobb med å gi ungdom høve til å påverke lokalmiljøet sitt og vere med på å forme kommunepolitikken.
For å bli nominert må kommunen ha vist eit tydeleg engasjement for den retten unge har til å delta og bli høyrde. Ungdomsmedverknad er heilt avgjerande for å utvikle ein god lokal ungdomspolitikk.
Desse kommunane er nominerte i år:
- Asker
- Bardu
- Drammen
- Farsund
- Fredrikstad
- Frøya
- Gjøvik
- Gloppen
- Hamar
- Haugesund
- Hemnes
- Hjartdal
- Kristiansand
- Kvinesdal
- Lillestrøm
- Luster
- Modalen
- Nesodden
- Nissedal
- Sandefjord
- Senja
- Skaun
- Solund
- Sør-Varanger
- Tromsø
- Tønsberg
- Ulstein
- Volda
- Voss
Når ungdomskommunen i år skal kårast, blir det lagt vekt på at engasjementet og meiningane til ungdommar faktisk blir teke med i politiske prosessar og avgjerder.
Det er juryen som avgjer kven som stikk av med prisen på 250.000 kroner når vinnaren blir kåra under den nasjonale Ungdomskonferansen i Øystese 21.–23. september.
Landsrådet for Noregs barne- og ungdomsorganisasjonar (LNU) leier juryen, som elles består av Ungdom og fritid, Velferdsforskningsinstituttet NOVA og KS.
