Nytt tiltak skal førebygge kriminalitet blant gutar
Sosiale møteplassar skal førebygge kriminalitet for gutar og unge menn. Integrerings- og mangfaldsdirektoratet (Imdi) gir 9 millionar til tiltak i 12 kommunar.
– Regjeringa vil ha ned barne- og ungdomskriminaliteten. Dette er eit ledd i ei større satsing mot ungdomskriminalitet, seier arbeids- og inkluderingsminister Tonje Brenna, i ei pressemelding.
Tilskotsordninga skal nå opptil 3000 gutar og unge menn, anslår Imdi.
Målgruppa er dei som står i fare for å hamne i kriminelle miljø, særleg i område der det er registrert aukande ungdomskriminalitet.
Kommunane som får pengar er: Ålesund, Askøy, Bergen, Bærum, Drammen, Gjøvik, Kristiansand, Larvik, Nordre Follo, Oslo, Porsgrunn, Trondheim.
● Les også: «Kriminaliteten veks – kor er tryggleiken vår?»
