PST-aksjon mot barn: Skal ha hylla terroristar på nett
Politiet aksjonerte mot 15 til 20 personar.
![](https://framtida.no/wp-content/uploads/2023/11/NPK-160x160.png)
PST aksjonerte torsdag mot eit nettverk beståande av unge høgreekstreme, som mellom anna skal ha oppmoda til terror og drap på homofile.
Nettverket består av ungdom ned i 12-års alder og unge vaksne i midten av 20-åra, melder NRK.
Torsdag aksjonerte dei mot mellom 15 til 20 personar, hovudsakleg ungdommar mellom 12 og 17 år.
– Dei deler også videoar av utført terror. Dei hyllar Anders Behring Breivik og Brenton Tarrant, som drap over 50 personar i ein moské i Christchurch. Det er tidvis ganske grovt, seier Bjørn-Willy Wold, leiar for seksjon for kontraterror i PST.
Foruma der det høgreekstreme innhaldet blir delt har ingen nasjonale grenser. Det er ideologien som er felles, seier Wold.