«Guilty pleasure»-låten er hans er Eh, Eh av Lady Gaga, og det kan fort gå med 3–4 timar om dagen til å høyre på musikk.
Ruben Markussen, best kjend under artistnamnet Ruben. Nordlendingen som tok oss med storm med Lay by Me, som han også vann årets låt for under Spellemann i 2019.
No er han klar for ein sommar med konsertar på ulike festivalar, og med i kofferten er den nye låten Desember (honey, honey).
Sjå dette innlegget på Instagram
Fakta
- Namn: Ruben Markussen
- Alder: 29
- Frå: Bjarkøy
- Aktuell med: Singelen December (honey, honey)
– Dør for den dama
Lidenskapen for musikk er stor og variert. Det er likevel eit par favorittartistar som går igjen.
– Kva var det første albumet du kjøpte sjølv?
– Rihanna – Rated R
– Kva er di største konsertoppleving?
– Må vere første gong eg såg Rihanna live! Døyr for den dama.
Då er det kanskje ikkje så rart at han gjerne kunne stått fast i heisen med same artist.
– Kva ville du snakka om?
– Ser for meg at det kunne vore gøy å bli kjent med ho og forstå korleis ho tenker når ho lagar eit album. Eg hadde nok ikkje klart å seie eit einaste ord, men det hadde vore ei morosam historie å fortelje til folk.
«Hver gang vi møtes»
– Om du fekk vere med på «Hver gang vi møtes», der deltakarane er både norske og internasjonale, kva for artistar ville du delteke med?
– Sivert Høyem, Bavé, Dijon, Anastacia, Melissa Horn og Rihanna.
Tidlegare i år dukka Ruben opp på ein låt under årets sesong av programmet. Det var på Matoma sin cover av Emelie Hollow sin Alene sammen.
Sjå dette innlegget på Instagram
– Kva for ein av låtane dine drøymer du om å høyre tolka, og av kven av artistane?
– Hadde jo vore heilt rått å høyre Rihanna tolke den nye låten min December (honey honey) som kjem ut snart, men utanom det så hadde det vore heilt sjukt å høyre Sivert Høyem tolke låten min Lay By Me.
– Kva låttolking ville du sjølv spelt for ein annan av artistane?
– Anastacia – Sick and Tired hadde vore så gøy, hahah.
EDM og draumeduett med Sivert Høyem
Slik som underteikna, hadde Ruben ei sterk dragning mot ein viss svensk DJ sin musikk i tenåra.
– Som tenåring høyrde eg veldig mykje på EDM og eeeelska Avicii (gjer framleis det), men no synest eg EDM er litt kjedeleg og bråkete heh.
I dusjen syng han litt ulike ting, men det går litt i Rihanna der også.
– Det går for det meste i balladar, det har vore mykje Love On The Brain av Rihanna, men også Zach Bryan med I Remember Everything.
– Kva/kven er verdas mest undervurderte band/musikar?
– Bavé!!!!!! Ein svensk artist eg la merke til for første gong under By: Larm-festivalen 2023. Heilt rå på scena og musikken er magisk!
Denne svensken står også bak favorittlåten til Ruben, som du finn litt lenger ned i saka.
– Kven er din draume-duettpartnar – og kva låt skulle de teke?
– Eg har lenge drøymt om å kunne gjere ein låt med Sivert Høyem! Det måtte nok blitt ein form for ballade. Typ som I Remember Everything av Zach Bryan.
– Om det er ein låt du skulle ynskje det var du som hadde laga – kva låt er det?
– Frank Ocean – Lost. Blir aldri lei den låten.
Dette høyrer eg på når eg er …
… glad: Jungle – Back On 74
… lei meg: Zach Bryan – Something In The Orange
… sint: Dijon – Many Times
… treng ein sjølvtillitsboost: Tinashe – Rascal
Favorittsjanger: Pop/RnB
Favorittband/artist: Rihanna
Favorittlåt: Bavé – Shells Don’t Crack
Beste treningslåt: Fred Again – Danielle
Verdas beste kjærleikslåt: Sasha Alex Sloan – Hypochondriac
«Guilty pleasure»: Lady Gaga – Eh Eh
Bryllaup og gravferd
– Kva låt vil du ha i bryllaupet ditt?
– Veldig klisjé, men Brandi Carlile – The Story
Over til noko litt meir dystert …
– Kva låt vil du ha i gravferda di?
– Oi, dark. Hmm, trur eg ville ha halde det enkelt og fint med Alice Boman sin låt Waiting.
Og til slutt:
– Kva låt har du dilla på no?
– Conan Gray – Fainted Love!
