Juli var den varmaste månaden nokon gong
Rekorden frå juli 2019 blei i år slått med 0.33 grader celsius, viser tal frå EU si klimaovervåkingsteneste Copernicus.
Denne artikkelen er eldre enn 1 år gamal. Det betyr at noko av informasjonen kan vere utdatert.
Både skogbrannar og heitebølgjer var med på å løfte temperaturen betrakteleg den siste månaden. Fleire stadar i verda har heitebølgjene vore dødelege.
– Desse rekordane har forferdelege konsekvensar for både menneske og planeten når ein stadig blir utsett for fleire og hyppigare ekstreme hendingar, seier fungerande direktør i Copernicus Samantha Burgess i ein artikkel i CBS News.
Eit temperaturhopp på 0,33 grader er uvanleg, då nye temperaturrekordar gjerne berre er på hundredelar eller ei tidels grad, ifølgje CBS News.
Den ferske rekorden var 0,72 grader over gjennomsnittet for juli i åra 1991-2020, skriv NTB.
- Les meir om klima her: Vinteren i år kan bli kaldare og tørrare, men veit du kvifor?
Mindre snø og meir kulde er noko av det ein kan vente seg i vinter. Illustrasjonsfoto: Photo by Richard Hodonicky on Unsplash
