Rekordmange vil bli tollarar
Tollvesenet fekk i år inn 2161 søkjarar til 16 stillingar som tollaspirantar. Det er 135 personar per stilling.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Så vidt eg kjenner til har me aldri hatt fleire søkjarar, seier Kari Christine Moldekleiv, seniorrådgjevar i region vest, til Bergens Tidende.
LES OGSÅ: Fleire vil jobbe i politiet
Flest i aust
Søknadsfristen gjekk ut førre måndag og prosessen med utveljinga er allereie i gang.
– Me er svært glade for at me er ein såpass attraktiv arbeidsplass. Me er godt i gang med å velje ut aktuelle kandidatar og ser fram til nye kollegaar, seier Jan Erik Hærum, avdelingssjef i administrasjonsavdelinga i Tollregion Øst-Norge, i ei pressemelding.
Fire regionar søkte etter nye aspirantar, medan Tollregion Oslo og Akershus og Tollregion Midt-Noreg ikkje hadde opptak denne gongen.
Slik var søkjarmassen fordelt ut over landet:
Aust-Noreg: 845 søkjarar (5 stillingar)
Vest-Noreg: 476 søkjarar (7 stillingar)
Nord-Noreg: 165 søkjarar (2 stillingar)
Sør-Noreg: 675 søkjarar (5 stillingar)
For dei heldige utvalde ventar 26 månader med betalt opplæring, før dei har pliktteneste i 22 månader.
