Duer luktar vegen heim
Forskar har funne at duer kan lukte seg heimatt.
Denne artikkelen er eldre enn 1 år gamal. Det betyr at noko av informasjonen kan vere utdatert.
Luktar seg fram fleire mil
Forskarar og dueentusiastar har lenge visst at duer er flinke til å finne fram, men har undra seg over korleis dei gjer det.
Ei ny studie peikar mot at dei bruker luktesansen, skriver European Geosciences Union i ei pressemelding, ifølgje forskning.no.
LES OGSÅ: Forsking skal avsløra lakseløyndommar
Virtuelle duer
Det er forskaren Hans Wallraff frå Max Planck Instituttet i Tyskland, som har vist at atmosfæren inneheld den naudsynte informasjonen duene treng for å finne vegen heim.
I forskingsarbeidet samla han prøvar frå atmosfæren på 90 stader i eit område med ein radius på 200 kilometer. Prøvane vart samla inn frå eit dueslag i Sør-Tyskland. Deretter utvikla han ein datamodell med virtuelle duer.
– Mine virtuelle duer fungerte som reiskapar for å velje ut dei flyktige forbindingane i atmosfæren som med si romlege fordeling, kombinert med variasjonar i vindretninga, var til hjelp når duene skulle finna heim, seier forskaren i ei pressemeldinga.
