Torsdag var Erna Solberg sin siste dag som statsminister, etter åtte år i sjefstolen.
Denne artikkelen er eldre enn 1 år gamal. Det betyr at noko av informasjonen kan vere utdatert.
Oppdatert 24. februar 2025 med fungerande lenker og meir skildrande tekst på punkt 4 og punkt 8.
Erna Solberg har mange gonger vist oss at ho er med på det meste, her er nokre av gongene Erna var stjerna dei siste åtte åra.
1. Då ho levde i ein mellomalder-musikal
I 2014 fekk ho med seg hoffnarrane Ylvis som gav ho eit heilt unikt soundtrack for dagen. Diverre greidde dei ikkje få med heile pinkoden hennar i songen.
2. Då ho droppa mikken
Nei, vil ikke, svara Erna Solberg på Twitter i 2018. Skjermdump.
Dette svaret har ho blitt sitert på eit utal gonger, både i gode og mindre gode ordelag. Spørsmålet som vart stilt, var om ho kunne legalisere marihuana. Det ville ho altså ikkje.
3. Då ho gama Fortnite
Solberg er glad i nytte høve til å dukke opp uventa stader og vere så folkeleg som mogleg. Så då «NoobworK» inviterte ho til guterommet for eit slag Fortnite, takka ho sjølvsagt ja – og tok nicket «Jern-Erna».
4. Då ho cruisa med grensevakta
Boss-lady på båttur.
Vi fekk eit lite innblikk i ein meir actionfylt dag som statsminister då ho tok seg ein tur saman med grensevakta på «Erna-cam» i 2017.
5. Då ho svinga seg i dansen
Det var 17. mai. Korona la framleis ein dempar på alt av store samlingar og fest, og NRK drog fram Grunnlovsdansen frå 2014. Dei fekk med heile Noreg, sjølvsagt også inkludert Erna Solberg og regjeringa.
6. Då ho ufrivillig laga ein hit
12. mars 2020 var ein historisk dag. Landet skulle stengast ned, dei strengaste restriksjonane sidan krigen vart sett i gong. Og ein skulle slutte å handhelse. Det var litt vanskeleg å hugse på etter ein heil pressekonferanse om dette, og Solberg gav oss det som vart korona-låta.
Høie avverger handhelsing mellom Solberg og Stoltenberg. Foto: Lise Åserud / NTB
7. Då ho kyssa ei sjøløve
Foto: Marit Hommedal / NTB
Under valkampen i 2017 var Erna Solberg heime i gamle trakter. Solberg hadde sommarjobb på akvariet i Bergen i sin ungdom. Her fekk ho smellkyss frå ei sjøløve då ho var på besøk.
8. Då ho var mafiaboss
https://tv.nrk.no/se?v=MSPO48150619&t=202s
Ein køddar ikkje med nasjonalkjensla og kjærleiken til langrennssporten. Då får ein mafiaboss Erna Solberg på nakken. Frå «Heilt Ramm», sesong 7.
Foto: Gage Skidmore/Flickr/CC BY-SA 2.0
