Det første biletet er teke 8. juli, mens det andre biletet frå 12. juli, viser at innlandsisen på overflata har smelta dramatisk på få dagar. Bilete: Nicolo E. DiGirolamo / Jesse Allen / NASA/Handout / Reuters / NTB scanpix.
Isen på Grønland smeltar raskare enn nokon gong
Innlandsisen på Grønland smeltar raskare enn nokon gong sidan forskarar begynte å måle tempoet i smeltinga.
Denne artikkelen er eldre enn 1 år gamal. Det betyr at noko av informasjonen kan vere utdatert.
Isen på Grønland smeltar raskare
Nye målingar viser at det har skjedd smelting på heile 97 prosent av overflata til innlandsisen.
Dette er meir enn nokon gong på dei 30 åra isen har vore overvaka av satellittar. Son Nghiem i den amerikanske romfartsadministrasjonen NASA trudde først det måtte dreie seg om ein datafeil, melder nyheitsbyrået AFP.
Han kom over dei første teikna til ei så stor nedsmelting då han granska data frå den indiske satellitten Oceansat-2. Observasjonar frå andre satellittar stadfesta desse teikna, fortel NASA-eksperten. (©NPK)
Annonse
