Portrait of rival politicians
Skandalar verst for kvinnelege politikarar
Mediedekninga av skandalar slår hardare ut mot kvinnelege politikarar enn mot mannlege, viser ei ny svensk doktorgradsavhandling.
Denne artikkelen er eldre enn 1 år gamal. Det betyr at noko av informasjonen kan vere utdatert.
Skandalar verst for kvinner
Når kvinnelege politikarar er hovudpersonar i skandalane, blir det skrive dobbelt så mange artiklar, og mediedekninga av skandalen går føre seg lenger enn når mannlege politikarar er i søkjelyset.
Dessutan er tonen i mediedekninga meir tilgivande når hovudpersonane er menn.
Det kjem fram i doktorgradsavhandlinga til den svenske forskaren Tobias Bromander ved Linnéuniversitetet, fortel Sveriges Radio.
Bromander har studert mediedekninga av 92 politiske skandalar på ulike nivå mellom 1997 og 2010 i dei store Stockholms-baserte avisene.
– Det er i alle fall inga ulempe å vere mann i ein politisk skandale, seier han. (©NPK)
Annonse
