– Mobbekampanjar er bortkasta
Forfattar Jostein Alberti-Espenes, som gir ut ei bok om mobbing i skulen, meiner mobbekampanjar i skulen ikkje har nokon effekt.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Bortkasta mobbekampanjar
Alberti-Espenes meiner det er bortkasta å gi pengestøtte til skular som brukar antimobbeprogram som Steg for Steg og Olweus, skriv Aftenposten.
– Slike program kan ikkje løyse relasjonar mellom menneske. Det beste ville vere å bruke ressursane på eit betre læringsmiljø, meiner han.
Trass i at forskarar, politikarar, skuleeigarar og skular har brukt store summar på mobbereduserande program, har omfanget av mobbing vore stabilt dei siste fem åra, viser Elevundersøkinga.
Alberti-Espenes lanserer difor ei heilt ny tilnærming. Han meiner vi må slutte å bruke ordet mobbing så lett, og at det å stemple nokon som mobbarar berre kan gjere vondt verre.
– Vi må slutte å bruke ordet mobbing så lett. I staden må læraren ta seg tid og undersøkje kven som opplever kva av elevane. Du kan kalle det å løyse opp i situasjonen, seier forfattaren som i staden for ordet mobbing snakkar om «krenking».
