Vaffelhjarte selt til USA og Storbritannia
Maria Parr gjer stor suksess i utlandet.
Denne artikkelen er eldre enn 1 år gamal. Det betyr at noko av informasjonen kan vere utdatert.
Vaffelhjarte selt til USA og England
Debutboka Vaffelhjarte er no selt for utgiving på engelsk. Noko som er svært sjeldan for norske barnebøker.
Totalt er Vaffelhjarte selt til 16 land, inkludert Kina, Japan og Russland. I Storbritannia er det det tradisjonsrike forlaget Walker Books som skal gi ut boka, i USA forlaget Candlewick.
NRK-serien basert på boka, Vaffelhjarte, har gått på Barne-TV i haust, og vert også sendt som familieunderhaldning på NRK1 i jula.
Maria Parr (30) er blant dei norske barnebokforfattarane med flest utgivingsland, og ligg heilt i tetskiktet med forfattarar som Erlend Loe og Klaus Hagerup. Maria Parr debuterte med Vaffelhjarte i 2005, boka vart mellom anna nominert til Brageprisen. I 2009 fulgte ho opp med Tonje Glimmerdal som vann Brageprisen det året. I 2010 vart Tonje Glimmerdal kåra til beste tyske barnebok av avisa Die Zeit. Tonje Glimmerdal er førebels selt til ni land.
LES OGSÅ: Over 200.000 har sett Vaffelhjarte
Edmund Austigard, forlagsdirektør i Samlaget, er stolt over Parrs suksess i utlandet:
– Det er imponerande at Maria Parr etter berre to bøker er blant dei mest omsette norske barnebøkene i utlandet. Det visar hennar store og allmenngyldige appell. Vi er takknemlige for å gi ut forfattaren som bokmeldarar verda rundt samanliknar med Astrid Lindgren.
