Helseministeren lovar betre helsehjelp til transpersonar
Statsråden erkjenner at hjelpa ikkje har vore god nok.
Helseminister Jan Christian Vestre (Ap) lova under minnemarkeringa for 25. juni-terroren å sikre betre helsehjelp til transpersonar.
– Hjelp skal vere tilgjengeleg for alle som treng det. La meg difor seie det tydeleg til dykk i dag: Den hjelpa har ikkje vore god nok, ho er ikkje god nok, og no må vi gjere noko med det, sa Vestre då han talte under markeringa, melder NRK.
Denne veka vart det kjent at Redelighetsutvalget ved Oslo universitetssjukehus (OUS) meiner tre forskarar ved OUS brukte pasientopplysningar utan samtykke i artiklar om transpersonar.
– Når tilliten til helsetenestene våre sviktar, er det vårt ansvar å brette opp erma. Vi kan mykje betre enn dette. Det er eit løfte, sa Vestre på minnemarkeringa.
