Undersøking: Menn under 30 vil helst forhandle lønna sjølv
Menn under 30 i Noreg har større aksept for lønnsforskjellar og vil helst forhandle lønna sjølv, ifølgje ei ny undersøking.
Medan dei fleste ønskjer små lønnsforskjellar, har tru på å forhandle lønn kollektivt og meiner ho bør fordelast ganske likt til alle, skil menn under 30 år seg ut i arbeidslivsbarometeret frå Yrkesorganisasjonenes sentralforbund (YS), skriv Klassekampen.
Barometeret viser at blant folk flest meiner 16 prosent at lønnstillegg bør baserast på prestasjonane til den enkelte i jobben.
Blant unge menn er talet på 40 prosent.
58,2 prosent meiner det bør bli mindre lønnsforskjellar i samfunnet, medan 36,4 prosent av unge menn meiner det same. Dei meiner også i større grad at det er best å forhandle lønna sjølv.
– Når vi ser på tala tilbake i tid, så ser vi at gjennom fleire år har unge menn hatt ein tilhug til å ha stor tru på eigne evner og prestasjonar. Både at dei trur at dei kan forhandle seg fram til høgare lønn sjølv, og at dei gjer ein såpass god jobb på jobb at deira eigne prestasjonar bør bety meir for den lønna dei faktisk får. Det seier Håvard Lismoen, generalsekretær i YS.
