KrFU-leiaren droppar attval
24-åringen vil gi stafettpinnen vidare.
Hadle Rasmus Bjuland har valt å gi seg som leiar for Kristeleg Folkepartis ungdomsparti ved slutten av inneverande periode.
– Eg har gitt beskjed til valkomiteen om at eg ikkje tek attval no etter fire år. Det er vemodig. Eg har vore med i KrFU i 12 år, heilt sidan eg var 13 år, fortel Bjuland til Stavanger Aftenblad.
24-åringen seier det er rett tidspunkt å gi stafettpinnen vidare.
– Etter valet i 2021 var partiet i ei stor utfordring, eller krise. Me var under sperregrensa, og me var ein gjeng KrFU-ere som bestemde oss for at me ville snu denne trenden. Me meinte at partiet måtte ta større stoltheit i verdiane våre. Det var mange som mangla denne stoltheita og framtidstrua.
KrFU-leiaren meiner stoltheita no er tilbake i partiet.
Bjuland sa seg i september villig til å bli nestleiar i KrF, men då han ikkje fekk sikker plass på stortingslista i heimfylket Rogaland trekte han sitt kandidatur.
