Stor vekst i aktive lokallag i Ungdom mot EU

– Eg likar å tru at det er fordi vi har auka nærværet både i sosiale medium og fysisk rundt i landet, seier leiar Kim Rene Hamre av Ungdom mot EU til TV 2.

Hamre opplyser til TV 2 at det dei siste to åra har auka frå eitt aktivt lokallag til 15 i Ungdom mot EU.

Han viser til mobilisering gjennom vervekampanjar, hyppige skulebesøk og synlegheit i sosiale medium. I 2025 startar Ungdom mot EU opp podkastprosjekt.

– Vi vil byrje tidleg, vi ser at EU-kampen og EU-debatten fort kan komme i løpet av neste stortingsperiode. Vi ligg ganske langt i forkant, fortel han.