«Brat» er årets nyord, ifølgje britisk ordboksforlag
Brat – ordet som Charli XCX har omdefinert og som Kamala Harris' støttespelarar har brukt for å støtte henne – er kåra til årets engelske ord.
Bak kåringa står det britiske ordboksforlaget Collins.
Den britiske artisten Charli XCX brukte ordet «Brat» som tittel på sitt sjette album. Før betydde det «uoppdregent barn», medan det i dag har komme til å bety ei «sjølvsikker, frisinna og hedonistisk haldning», skriv Collins i grunngivinga si:
Brat er eit kulturelt fenomen
«Det er blitt meir enn tittelen på eit vellykka album. «Brat» er eit kulturelt fenomen som har vorte plukka opp av menneske over heile verda, og «Brat Summer» vart ein livsstil».
Charli XCX har sjølv beskrive «brat» som «nokon som er litt rotete, likar å feste, kanskje seier dumme ting, kanskje bryt saman, men som festar seg gjennom det».
I juli beskreiv Charli XCX presidentkandidat Kamala Harris som «brat» i sosiale medium, brukt på ein beundrande måte. Det fekk Harris’ folk til å spele låten «365» i valkampvideoar på Tiktok
