Diskriminering, hets og dårleg livskvalitet

Talet på meldingar på hatkriminalitet frå skeive og transpersonar aukar

I 2023 fekk politiet melding om 461 hatkrimhendingar basert på kjønn og seksualitet. 309 meldingar gjekk på seksuell orientering og 152 på kjønnsidentitet og kjønnsuttrykk.

Hatkriminalitet vert definert som straffbare handlingar som er motivert av andre sin hudfarge, nasjonale eller etniske opphav, religion/livssyn, seksuell orientering, kjønnsidentitet eller kjønnsuttrykk, eller nedsett funksjonsevne. Ein trur det er store mørketal.

Dei største lovbrotskategoriane innanfor hatmotiv seksuell orientering var: skadeverk (25 %), hatefulle ytringar (23 %) og kroppskrenkingar (13 %).

I tillegg kjem vinningslovbrot (12 %), omsynslaus åtferd (11 %), trugslar (8 %), andre lovbrot (4 %), mot offentleg tenesteperson (2 %), kroppskader (1 %) og andre valdslovbrot (1 %).

Innanfor hatmotivet kjønnsidentitet og kjønnsuttrykk var dei største lovbrotskategoriane: skadeverk (32 %), hatefulle ytringar (19 %), vinningslovbrot (16 %), omsynslaus åtferd (11 %), kroppskrenkingar (10 %) og trugslar (7 %).

Kjelde: Hatkriminalitet i Norge 2023, Politidirektoratet og Oslo politidistrikt, april 2024

Nesten halvparten av skeive har låg livskvalitet

Rundt 27 prosent av befolkninga har to eller fleire punkt på mål for livskvalitet der dei skårar lågt. Blant skeive er dette 44 prosent.

Kjelde: Livskvalitetsundersøkelsen 2022/2023, SSB

60 % av transmenn og 55 % av bifile menn skjuler legninga si

Tal frå 2020 viser at relativt mange skeive skjuler si seksuelle orientering og kjønnsidenteten sin minst ein gong i månaden, til dømes med å halde tilbake informasjon og seg sjølv og sine relasjonar.

Det er vanlegast for transmenn og bifile menn å gjere dette.

Av transmenn var det flest som unngjekk å vere opne på arbeidsplassen, mot familien og på skulen. For transkvinner var det mest vanleg å unngå å vere open mot familien (31 %) og på skulen (26 %). Blant dei ikkje-binære transpersonane var det flest som var skjulte i møte med familien (34 %) og på arbeid (30 %).

Homofile menn oppgjev i størst grad å unngå å vere open på arbeidsplassen, offentleg transport og på gata, plassar, parkeringsplassar eller andre offentlege stadar. For bifile menn var det vanlegast å skjula si seksuelle orientering ovanfor familien og på arbeidsplassen.

Dei største delane av lesbiske kvinner svarte at dei unngår å vere open på arbeidsplassen og på gata, plassar, parkeringsplassar eller andre offentlege stadar. Blant bifile kvinner var det flest som unngjekk å vere opne med familien og på arbeidsplassen.

Kjelde: Seksuell orientering, kjønnsmangfald og levekår. Resultat frå spørreundersøkelsen 2020. Bergen: Universitetet i Bergen. 2021

1 av 3 ville hatt problem med at deira eige barn var transperson

Om lag 1 av 3 ville hatt problem med at deira eige barn var transperson eller ikkje identifiserte seg som verken gut eller jente, medan nokre færre, om lag 15 prosent, ville hatt problem med at eins eige barn hadde ei anna seksuell orientering enn heterofil.

Kjelde: BEFOLKNINGENS HALDNINGAR TIL LHBTIQ-PERSONAR Rapport frå ei spørreundersøkelse Mai 2022, Opinion/Bufdir

1 av 5 har negative haldningar til ikkje-binære

18 % har negative haldningar til personar som «ikkje ser på seg sjølv som verken kvinne eller mann», mens det til sammenlikning var 6 % som hadde negative haldningar til homofile.

Kjelde: BEFOLKNINGENS HALDNINGAR TIL LHBTIQ-PERSONAR Rapport frå ei spørreundersøkelse Mai 2022, Opinion/Bufdir

1 av 5 menn meiner at sex mellom to menn er feil

Framleis er det rundt 10 prosent som er samde i utsegna «sex mellom to kvinner er ganske enkelt feil» og 14 prosent som er samde i utsegna «sex mellom to menn er ganske enkelt feil. Blant menn er det flest som er negative til skeiv sex, og 1 av 5 menn meiner at sex mellom to menn er feil.

Kjelde: BEFOLKNINGENS HALDNINGAR TIL LHBTIQ-PERSONAR Rapport frå ei spørreundersøkelse Mai 2022, Opinion/Bufdir

2 av 3 trur skeive barn vil få det vanskelegare enn andre

Så mange som 2 av 3 meiner barn og unge som uttrykker at dei er homofile, lesbiske eller bifile vil få det vanskelegare i oppveksten enn andre barn og unge. 

Kjelde: BEFOLKNINGENS HALDNINGAR TIL LHBTIQ-PERSONAR Rapport frå ei spørreundersøkelse Mai 2022, Opinion/Bufdir

40 prosent har observert hets eller hatprat mot skeive i løpet av det siste året

Ifølge ei undersøking frå Norges institusjon for menneskerettigheter (NIM) i mai 2024, har 40 prosent av befolkinga observert hets eller hatprat retta mot skeive i løpet av det siste året. Halvparten av dei som har skeive i sin næraste omgangskrets seier det same.

Av dei som har obervert hets eller hatprat mot skeive, svarar 69 prosent at dei har sett det mot homofile og 64 prosent mot transpersonar eller ikkje-binære. 70 prosent svara at dei hadde obesvert det på nettet eller i sosiale medium, og 29 prosent private omgjevnadar og 25 prosent i det offentlege rom.

Kjelde: Undersøkelse oom holdninger til skeive i Norge, mai 2024 av Verian på oppdrag for NIM.