David (19) vann NM i matte – OL neste
Mattestykke om damesko og sjokoladar måtte løysast før David Strømme Eikeland (19) sikra seg NM-tittelen i matematikk.
Eikeland utkonkurrerte 19 andre finalistar, og nesten 3200 deltok i dei innleiande rundane. 19-åringen vann finalen overlegen med sine 33 av 40 moglege poeng. No skal han vidare til OL i matematikk.
Andreplass gjekk til Aksel Løvholt frå Oslo katedralskole. Ivar Lee Fevang frå Thora Storm vidaregåande skule i Trondheim kom på tredjeplass.
Kunnskapsminister Kari Nessa Nordtun delte ut premiane i årets Abelkonkurranse.
– Vi treng dykk unge som brenn for realfaga og matematikken. De er gode rollemodellar og beviset på at matte kan vere gøy, sa ho i talen sin til finalistane.
Her kan du sjølv bryna deg på tidlegare oppgåver i konurransen!
