Folkehøgskuleelevar får kraftig auke i studiestøtte
Studiestøtta til folkehøgskuleelevar blir auka med 10 prosent for skuleåret 2024/2025.
– Vi er svært glade for at studiestøtta aukar frå neste skuleår. No får endå fleire høve til å velja folkehøgskule, seier dagleg leiar i Informasjonskontoret for folkehøgskulen Dorte Birch, i ei pressemelding.
I budsjettforliket vart regjeringspartia og Sosialistisk Venstreparti (SV) samde om å auke studielånet med ti prosent, noko som utgjer 12.537 kroner meir enn studiestøtta i 2023.
Hausten 2024 vil ein folkehøgskuleelev kunne få 137.907 kroner i lån og stipend frå Lånekassen.
Auken i studiestøtte vil føre til at over halvparten av alle folkehøgskulelinjene vil bli dekt av studiestøtta.
– Dette viser at styresmaktene anerkjenner viktigheita av folkehøgskulane, seier Birch.
