Bildet frå den islandske kystvakta viser flytande stein, magma, som strøymer nedover ein bakke nær Grindavik på Island. | Foto: Den islandske kystvakta via AP, NTB
Det byrja med jordskjelv i 23-tida måndag kveld, før vulkanutbrotet starta rundt midnatt.
Bildet frå helikopteret til den islandske kystvakta viser ein vulkansprekk på kring fire kilometer. Flytande stein, magma, sprutar opptil 150 meter opp i lufta.
Geolog og vulkan-ekspert Ármann Höskuldsson seier til Morgunblaðið at utbrotet er mykje kraftigare enn dei siste utbrota i området.
– Dette er nok over om ei veke eller ti dagar. Dette er eit så kraftig utbrot at det blir fort ferdig, seier han til avisa.
Vulkansprekken ligg kort veg frå den islandske bygda Grindavik. Der har dei venta eit utbrot i over ein månad etter fleire kraftige jordskjelv som skapte fleire store sprekker i bakken.
Sjå bilda her:
Bildet viser den store sprekken med vulkanutbrot like ved Grindavik på Island. | Foto: Den islandske kystvakta via AP, NTB
Bildet viser folk i den islandske hovudstaden Reykjarvik som ser himmelen farga oransje av vulkanutbrotet nokre kilometer lenger sørvest. | Foto: AP Photo/Brynjar Gunnarsson, NTB
Vulkanutbrotet farga himmelen oransje ved Grindavik. | Foto: AP Photo/Marco Di Marco, NTB
Bildet frå den islandske kystvakta viser flytande stein, magma, som strøymer nedover ein bakke nær Grindavik på Island. | Foto: Den islandske kystvakta via AP, NTB
Annonse
