Fann spelebrikke frå vikingtida
Då ein kloakkleidning sprakk på ein trafikkert veg i Trondheim, måtte det hastegravast. Dermed dukka det opp ei spesiell klebersteinsbrikke.
Denne artikkelen er eldre enn 1 år gamal. Det betyr at noko av informasjonen kan vere utdatert.
Arkeolog Dag-Øyvind Engtrø Solem stod djupt ned i gjørma då han oppdaga brikka. Skjult i dekoren dukka det opp eit namn i runer.
– Så vidt eg veit er det tre-fire andre spelebrikker med namn på som er funne i Noreg, seier Engtrø Solem til NRK.
På brikka er det rissa inn «siggsifr».
– Sig er kjent i både manne- og damenamn, som Sigrid og Sigvart, forklarer Engtrø Solem. Men det kan også bety siger eller krig.
Ifølgje Engtrø Solem var det mest sannsynleg ein handelsmann, litt høgt på strå, som bar med seg spelebrikka.
Arkeologen fortel at dei har gode dateringar på brikka. Den er frå ca. 1000-1150 e.Kr. No skal ho overleverast til NTNU Vitenskapsmuseet saman med dei andre funna frå utgravinga.
Inskripsjonen «Han er Odins mann» står i ein halvsirkel over hovudet på mynten.
Foto: National Museum of Denmark
