Tinder vil be medlemmene om videoselfie
Datingtenesta Tinder vil be medlemmene om å ta video av seg sjølv for å betre å bevise kven dei er.
Denne artikkelen er eldre enn 1 år gamal. Det betyr at noko av informasjonen kan vere utdatert.
I dei neste månadene kjem Tinder til å be alle medlemmer om å oppdatere til den nyaste versjonen av fotoverifisering, som inkluderer ein videoselfie – altså å ta video av seg sjølv.
– Dette blir ein betre måte for medlemmene å bevise kven dei er. I tillegg kan fotoverifiserte medlemmer be matchen deira om å gjere det same før dei chattar, noko som gir dei meir kontroll over korleis dei kommuniserer med andre, skriv selskapet i ei pressemelding.
Slik vil videoverifisering sjå ut. Foto: Tinder
Tinder opplyser at tilbakemeldingar frå medlemmene viser at fotoverifisering er ein av dei mest verdsette tryggingsfunksjonane. Verktøyet gjer det enklare for medlemmer å vurdere om matchen deira er ekte eller ikkje.
– Vi kjem til å prioritere desse metodane for å gjere Tinder til ein tryggare stad å møte nye menneske, seier marknadssjef Rory Kozoll for Product Integrity hos Tinder.
Psykolog Maria Abrahamsen er uroa for korleis sosiale medium påverkar barn og unge si psykiske helse. Foto: Privat
