Premier League legg inn «ramadan-pause»
Denne artikkelen er eldre enn 1 år gamal. Det betyr at noko av informasjonen kan vere utdatert.
Denne veka starta ramadan, og mange muslimar fastar.
Ifølgje Sky Sports har dommarane i Premier League fått beskjed om å leggje inn pausar i kampar som går føre seg på kveldstid, slik at spelarane som fastar kan få i seg mat og drikke.
Det var NTB som først skreiv om saka i Noreg.
Store profilar
Under ramadan kan ein bryte fasta etter at sola har gått ned.
Det er fleire store fotballprofilar i den engelske toppdivisjonen som er muslimar. Blant dei som truleg vil faste den neste månaden, er Liverpool-stjerna Mohamed Salah, Riyad Mahrez på Manchester City og Chelsea-midtbanespelar N’Golo Kanté, skriv Sky Sports.
Dommarane skal ha fått beskjed om å leggje inn «naturlege pausar» i kveldskampane. Dei blir òg oppmoda til å finne ut kven som har behov for ein slik pause og avtale med dei aktuelle spelarane før avspark.
Premier League la inn ein «etepause» under ramadan for to år sidan i ein kamp mellom Leicester og Crystal Palace. Det var truleg første gong det har skjedd, opplyser avisa.
Just wanted to thank the @premierleague as well as @CPFC , @vguaita13 all the Foxes for allowing me to break my fast tonight in the middle of the game. That’s what makes football wonderful 🙏🏾✊🏾#WF3 #PourEux pic.twitter.com/d56o8A8ZGo
— LAWESTT (@Wesley_Fofanaa) April 26, 2021
Illustrasjonsfoto: Simon Infanger/Unsplash
