Statsbudsjettet 2023: Lyser ikkje ut meir oljeleiting før 2025
Det er ein av hovudsigrane til SV i forhandlingane rundt statsbudsjettet.
Denne artikkelen er eldre enn 1 år gamal. Det betyr at noko av informasjonen kan vere utdatert.
Regjeringa lyser ikkje ut ein 26. konsesjon for oljeleiting på norsk sokkel før 2025. Det skriv NRK.
Det tyder at SV har fått gjennomslag på eit av hovudpunkta sine.
Dei hadde allereie ei avtale om at regjeringa ikkje skulle lyse ut konsesjon for å leite etter olje, men denne avtala gjeld berre ut 2022.
Difor har SV teke dette opp i budsjettforhandlingane.
Ikkje alle er nøgd med utfallet: Terje Halleland frå Frp seier til VG at det er uansvarleg å stoppe leiting når det er mangel på gass i Europa.
– I kveld er det fest i Moskva, seier han til avisa.
Det ferdige statsbudsjettet blir lagt fram i ettermiddag, klokka 18.
- Les også Kort forklart: Kva er greia med statsbudsjettet?
Vedum og Støre må bli einige om sin versjon av statsbudsjettet før dei kan forhandle med andre parti. Foto Støre og Vedum: Ole Berg-Rusten / NTB, illustrasjonar Canva, kollasj Framtida.no
