Babylucifa (21) sin draumeduett er med anten Chris Brown eller Masego.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Eg høyrer eigentleg ikkje så mykje på musikk for å vere heilt ærleg, men på ein dag eg har mykje å gjere sikkert typ 5/6-timar.
Bak artistnamnet Babylucifa finn ein 21 år gamle Isabell Røren Hannevig frå Tønsberg/Kongsberg.
I mars i år vart artisten krona til Månadens Urørt av NRK P3 for låten Ya baby, ein hybrid mellom rap og r&b.
Favorittsjanger:
– r&b.
Favorittband/artist:
– Chris Brown fosure!
Favorittlåt:
– For tida er favorittlåten min Till the Weels Fall of av Chris Brown, Lil Durk & Capella Grey.
Første album du kjøpte sjølv:
– Aldri kjøpt album sjølv, men eg stal eit Missy Elliott – Under construction-album av faren min ein gong i tida og det har vore med meg sidan! Haha.
Kva synest du i dag om musikksmaken din som tenåring?
– Diggar det enno. Det gir meg veldig nostalgi og ting føltest meir versatile (allsidig red.anm.) på den tida, så det er framleis inspirasjonskjelder til musikken eg lagar.
Kva syng du i dusjen?
– Random TikTok-låtar eg har fått på hjernen.
Verdas beste kjærleikslåt:
– Hmm, THEY – Count Me In.
Beste treningslåt:
– Å berre la ein song du likar gå over til radio på Spotify og oppdage nye songar! (Så ingenting spesifikt med andre ord, hehe.)
Guilty pleasure:
– Mindless Behavior, haha.
Verdas mest undervurderte band/musikar:
– Det synest eg er så vanskeleg å svare på, men akkurat no i Noreg er det 100 % Oscar Blesson. Utruleg dyktig artist!
Di største konsertoppleving:
– Moglegvis då eg var på Vinterlyd i sånn 2013 og såg Isac Elliot i sin prime som ein starstruck 12-åring.
Kven er din draume-duettpartnar – og kva låt skulle de teke?
– Definitivt Chris Brown eller Masego. Med Chris hadde eg villa lage ein r&b låt med litt bounce og med Masego hadde eg villa leike med mykje forskjellige instrument og flows!
Kva låt skulle du ynskja du hadde laga?
– Masego – Mystery Lady (eit actual masterpiece).
Kva for artist (levande eller død) ville du stått fast med i heisen? Og kva ville du snakka om?
– Kanskje Michael Jackson. Synest han er ein fascinerande person med masse historier på seg som han ikkje lever for å stadfeste eller avkrefte. Berre alt frå oppvekst til Hollywood og legacien hans.
Om du fekk vere med på «Hver gang vi møtes», der deltakarane er både norske og internasjonale – Kva for artistar ville du delteke med?
– Kehlani, Juice World (rip), Jonas Benyoub, Rihanna og Oscar Blesson.
Kva for ei av låtane dine drøymer du om å høyre tolka av kva for ein artist?
– Det må nesten bli noko unreleased, føler ikkje eg har nådd toppen på kva eg kan gjere som artist endå, så kjipt å ha nokon tolke ein song eg føler er ordinary (stay tuned for EP).
Kva låttolking ville du sjølv spelt for ein annan av artistane?
– Lil Wayne – How to Love.
Kva låt vil du ha i bryllaupet ditt?
– Calboy – Envy Me, songen til meg og sambuaren, haha.
Kva låt vil du ha i gravferda di?
– Eit eller anna med bad bitch i seg.
Kva låt har du dilla på no?
– Basement – JVCK JAMES.
Glad: Kehlani
Lei meg: Che Ecru
Sint: A Boogie wit da Hoodie
Treng ein sjølvtillitsboost: Chris Brown
Les også: AVGVSTVS prøver å kome i kontakt med Susanne Sundfør
AVGVSTVS. Foto: Playground Norge (PGM)
Babylucifa
Namn: Isabell Røren Hannevig
Alder: 21
Frå: Kongsberg/Tønsberg
