DNT ung seier Stortinget må sørgje for at allemannsretten blir grunnlovsfesta.
mm

DNT ung hadde sitt landsmøte på Haukeliseter fjellstue førre helg. På landsmøtet blei det vedteke ein resolusjon som ber stortingspolitikarar gjere allemannsretten grunnlovsfesta, skriv ungdomsorganisasjonen i ei pressemelding.

Ei grunnlovsendring krev 2/3 fleirtal i to ulike stortingsperiodar. I førre stortingsperiode stemte eit fleirtal av stortingspolitikarane for grunnlovsfestinga av allemannsretten.

Leiar i DNT ung, Anna Nes, seier vi undervurderer kor stor trusselen mot den norske friluftstradisjonen kan bli i åra som kjem.

– For det første får vi stadig mindre natur. Det blir bygd ned i høgt tempo, og dei samanhengande naturområda blir færre og færre. For det andre blir allemannsretten stadig oftare utfordra. Vi ser avgrensingar på telting, ulovlege stengsel i strandsona og betaling for inngang, seier Nes i pressemeldinga.


Anna Nes (DNT Ung leiar), John Hobberstad (Eventyrgutten) og Karen Malena Kyllesø (Friluftsjenta) deler sine beste friluftstips for nybyrjarar. Foto: John Hobberstad

LES OGSÅ

ANNONSE