Skuledagboka: TikTok-Carina (22) ville invitert skodespelarlegende på sushi

Bente Kjøllesdal
Publisert

info

Denne artikkelen er eldre enn 1 år gamal. Det betyr at noko av informasjonen kan vere utdatert.

– Eg trur vi kunne fått eit meir opent samfunn om folk var meir nysgjerrige på andre! seier Carina Edine (22) på e-post til Framtida.no.

Den viktigaste saka som opptek ho for tida er nemleg gjeng- eller squad-mentalitet, som ho synest ofte er ganske ekskluderande.

22-åringen er skribent og TikTok-profil, og har nesten 95.000 følgjarar på plattforma. Der deler ho mellom anna videoar av at ho smakar cheesburger for første gong etter 8 år som vegetarianar, parodierer nordmenn og fortel at «ja, jenter har òg hårvekst».

Til vanleg går ho på teaterlinja på Romerrike folkehøgskole:

– Får gjere teater kvar dag no, og føler meg veldig heldig! fortel ho på e-post til Framtida.no.

Det siste bilete på kamerarullen hennar, syner òg ein teaterprega kvardag:

Foto: Privat

☀️ Korleis ser ei vanleg veke ut for deg?

– Ei vanleg veke på folkehøgskule er folksamt, alltid noko nytt og brytningar med ein vanleg grå kvardag!

? Kven er den/dei viktigaste personane i livet ditt? Kven ser du opp til?

– Folka eg har rundt i kvardagen min. Venner har òg vore veldig viktige for meg.

? Kva gjer du når du er med venner?

– Ler, ler og ler!

? Om eit romvesen hadde kome til jorda, kva er det første du hadde fortalt og vist fram?

– Vennane mine!

? Kva person – levande eller daud – ville du invitert på middag? Kvifor og kva ville du servert?

– Kanskje Meryl Streep! Trur eg kunne lært mykje av ho. Eg ville bestilt noko mat, då matlaging ikkje er mi sterkaste side! Kanskje sushi.

Oscar-vinnar Meryl Streep skulle fått sushi, om ho takka ja til ein middagsinvitasjon frå Carina Edine.  Foto: Dick Thomas Johnson/Flickr/CC BY 2.0, Shazmyn Ali/Unsplash

? Kva gjer deg sint?

– Urettferd.

? Kva er din beste eigenskap?

– Kanskje at eg er veldig tilpassingsdyktig!

? Kva er din verste uvane?

– Å seie «kva» /«hæ» når eg eigentleg høyrer kva som har blitt sagt!

? Kva må du alltid ha med deg?

– Eg har aldri vore avhengig av noko som helst som eg må ha med meg rundt! Det kjennest skikkeleg deilig.

✍️ Kva er ditt beste råd/tips?

– Ver tolmodig!

? Kva ville du sagt til deg sjølv som 12-åring?

– Du er meir enn flink nok!

? Korleis var 18-årsdagen din?

– Har aldri vore så glad i min eigen bursdag, så det hugsar eg ikkje!

Foto: Privat

? Kva kjem du til å hugse frå denne tida no, når du bli 80?

– Håpar at eg aldri gløymer latteren og dei stundene kor vi ler så mykje at det kjennest som vi blir støle i magen.

? Kva vil du bli når du blir stor?

– Håpar eg kan jobbe innan underhaldning!

? Korleis er livet ditt om 10 år?

– Håpar eg har ein jobb eg trivest med og er omringa av gode folk!

? Kva er din største draum?

– Om eg seier den høgt, går den ikkje i oppfylling!

? Kva vil du bli hugsa for?

– Ein ærleg person!


Fortel ein random fact om deg sjølv:

– Eg kan ikkje knipse!

Korleis slappar du av?

– Prøvar å ta pausar og vere i mitt eige selskap etter ein lang dag! Om ikkje, så slappar eg veldig godt av rundt sjøen.

Kva lyttar du til for tida?

– Eg har blitt veldig glad i Highasakite den siste tida!

Kva ser du på?

– Eg ser overraskande lite på tv/film, og om eg gjer det, er det ofte ei sosial greie saman med andre.

Kva er favorittmaten din?

– Sushi!

Kva er favorittstaden din?

– Grünerløkka.

Kva er det beste du har lagt ut på sosiale medium?

– Ein sketsj om hestejenter!

@carinaedineDu kødder ikke med hestejenter??♬ original sound – Carina Edine