Høgre og Frp meiner Noreg må leite etter meir olje og gass
Krigen i Ukraina og det nye forholdet mellom Europa og Russland gjer at Noreg må leite etter meir olje og gass no, meiner Høgre og Frp.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Det har vore eit Europa som har vore avhengig av russisk gass, seier Frps Terje Halleland.
– Det er sjølvsagt ei frykt i EU for at Russland vil strupe gass endå meir. Vi må ha ambisjon om å bidra med forsyningstryggleik i Europa, seier Ove Trellevik i Høgre.
Regjeringa og SV har avtalt at 26. konsesjonsrunde ikkje blir noko av i 2022, men det er framleis leiteverksemd gjennom TFO-ordninga.
AP: – Vil ikkje gi meir gassutvinning
– Det viktigaste vi gjer no, er å halde fram med å vere den stabile leverandøren som vi er, seier olje- og energiminister Marte Mjøs Persen (Ap) til NRK. Ho seier avtalen med SV står fast, men understrekar at det ikkje betyr at aktiviteten skal setjast på vent.
Persen påpeikar at Frp-forslaget om likevel å gjennomføre konsesjonsrunden ikkje raskt vil gi meir gassutvinning.
– Dei nummererte konsesjonsrundane som Frp etterlyser, dei skjer i mindre utforska område der det normalt vil ta mykje lengre tid å vinne ut ressursar enn i dei områda som vi no har opne, seier Persen.
– OM vi ikkje leitar, finn vi ingenting, svarer Halleland.
- Les også om den nye rapporten frå FN sitt klimapanel: «Jorda er allereie sterkt påverka av klimaendringar, og framover vil det verte verre.»
Illustrasjonsfoto: AP Photo/Noah Berger, File
