Sju samiske podkastar du bør leggje i kø
Det finst mange gode samiske podkastar å ta til på – anten du pratar samisk eller ei.
Denne artikkelen er eldre enn 1 år gamal. Det betyr at noko av informasjonen kan vere utdatert.
Ein av tinga Lise Sundelin Morottaja er ekstra stolt av som same, er den samiske oppblomstringa mellom anna på podkast-fronten.
Dette er hennar samiske podkast-favorittar:
I Elsa Laulas fotspor
Omslag: NRK
Språk: Norsk
Episodetal: 4
Gjennom samtalar med 22 samiske kvinner frå Noreg, dokumenterer radiokollektivet Søstrene Suse samisk rettskamp gjennom 100 år.
Inspirasjonen til prosjektet fekk dei frå føregangskvinna Elsa Laula Renberg (1877-1931) som var initiativtakar til det første samiske landsmøtet i 1917.
Tett på
Språk: Norsk
Episodetal: 108
Programleiar Svein Lian viser deg Sápmi som det er, ikkje det stereotypiske biletet du kanskje har.
https://open.spotify.com/episode/6MmABRSMVJclQCkvehs35z?si=bacefb53978f43bd
Sámi Horror
Språk: Nordsamisk
Episodetal: 16
Sámi Horror er ein ny podastserie frå NRK, lansert i oktober i fjor. Det vert fascnerande mysterium, spøkelseshistorier og forteljingar frå røynda – alt på nordsamisk!
Samesystrar
Språk: Svensk
Episodetal: 16
Anna-Marja Persson står bak den svenske podkasten Samesystrar, som løftar samiske kvinner og diskuterer alt mellom himmel og jord.
Perspektiver
Språk: Norsk
Episodetal: 10
Podkast-serien Perspektiver vil opne lukka dører, og tek opp det vanskelege temaet vald i nære relasjonar. Det er Norske Reindriftsamers Landsforbund som står bak podkasten.
Vuostildanfearánat – Sámi stories of resistance
Språk: Nordsamisk og engelsk
Episodetal: 5
Korleis ta vare på seg sjølv og samstundes verne om landet, lokalsamfunnet og miljøet sitt i møte med statlege inngrep? Vuostildanfearánat snakkar om mogelege metodar.
Sameting
Språk: Norsk
Episodetal: 12
I podkasten Sameting prøvar Isalill Kolpus og Dávvet Bruun-Solbakk å forklare samiske fenomen til nordmenn.
- Les innlegget til Lise Sundelin Morottaja: «Dette er ting eg som same er ekstra stolt av i dag»
Lise Sundelin Morottaja reflekterer over nokre av oppnåingane som er ekstra verd å feire på samefolkets dag. Foto: Privat
