Venstres programkomité foreslår å stanse all oljeleiting

– Det er ikkje forsvarleg å opne fleire oljefelt og forlengje norsk oljeproduksjon. Allereie har vi opna oljefelt som skal leve etter at verda må ha null utslepp, seier Unge Venstre-leiar Sondre Hansmark til NTB.

Han sit i Venstres programkomité, som no er i innspurten i arbeidet med å utarbeide eit forslag til nytt partiprogram for perioden 2021–2025. Forslaget om oljestans er med i førsteutkastet.

– Eg vil ikkje gamble på at Europa framleis skal bruke store mengder norsk olje og gass i framtida, all den tid Europa byggjer ut stadig meir fornybar energi og bruker energi meir effektivt, seier Hansmark.

Det var Aftenposten som først omtalte saka.

• Les også: Noreg er det best rusta landet i verda til å leie an i overgangen til forbybarsamfunnet, viser ny studie