Kjenner du att desse forfattarane?
Denne artikkelen er eldre enn 1 år gamal. Det betyr at noko av informasjonen kan vere utdatert.
Du har høyrt namna deira, men du har kanskje aldri sett korleis dei tek seg ut på bilete. Test dine kunnskapar om forfattarar gjennom tidene – og portretta deira!
Quiz: Kjenner du att desse forfattarane?
- Spørsmål 1 av 8
1.
Han er ein av Noregs største dramatikarar gjennom tidene, og her ser vi han i klassisk geni-positur, med alvorleg blikk og hårtustar i kontakt med himmelen. Kva heiter han?
Korrekt!
Henrik Ibsen, eller Brynjolf Bjarme som han av og til kalla seg, er ein av Noregs største forfattarar gjennom tidene. I dag blir stykka hans framleis satt opp på teater over heile verda.
Feil!
Rett svar er Henrik Ibsen, eller Brynjolf Bjarme som han av og til kalla seg. Ibsen er ein av Noregs største forfattarar gjennom tidene, i dag blir stykka hans framleis satt opp på teater over heile verda.
- Spørsmål 2 av 8
2.
Denne britiske forfattaren var ein pionér innan modernistisk litteratur, som også er kjend for eit fantastisk essay om at kvinner treng sitt eige rom for å kunne skrive. Namnet hennar er?
Virginia Woolf er heilt rett! Visstnok var det å bli tatt bilete av noko av det verste den talentfulle forfattaren og forleggaren visste, og det er kanskje derfor ho ser så alvorleg ut.
Sorry love! Rett svar er Virginia Woolf. Visstnok var det å bli tatt bilete av noko av det verste den talentfulle forfattaren og forleggaren visste, og det er kanskje derfor ho ser så alvorleg ut.
- Spørsmål 3 av 8
3.
Denne forfattaren og kulturarbeidaren var med på å grunnleggje Det norske teatret i 1912, og var den fyrste styreleiaren der. Under framsyningane kom det ofte til blodige slagsmål mellom riksmålsungdommar og nynorsktilhengarar, så ho måtte snike seg ut ein sideinngang for å unngå trakassering. Kva heiter ho?
Framifrå! Dette er sjølvsagt Hulda Garborg, ein pionér i målsaka, kvinnesaka og, som biletet viser, i bunadbruk!
Heilt feil!
Dette er jo Hulda Garborg, ein pionér i målsaka, kvinnesaka og, som biletet viser, i bunadbruk!
- Spørsmål 4 av 8
4.
Denne fyren her gir ut bok på Samlaget i haust! Den handlar om ein gjeng ungdommar som isolerer seg i eit hus på den italienske landsbygda. Svartedauden herjar i Firenze, og dei fortel kvarandre historier for å få tida til å gå. Magnus Ulleland har omsett boka til nynorsk, men kven er forfattaren?
Bellisimo! Dette er Giovanni Boccaccio, forfattaren av Dekameronen. Boka kom ut i 1353, og blir rekna som verdas fyrste novellesamling. Sjekk elles ut hårpynten han har på forfattarportrettet – ein laurbærkrans var teiknet på ein stor forfattar i Italia på denne tida.
Trudde du det var Dante?
Nei, dette er Giovanni Boccaccio, forfattaren av Dekameronen. Boka kom ut i 1353, og blir rekna som verdas fyrste novellesamling. Sjekk elles ut hårpynten han har på forfattarportrettet – ein laurbærkrans var teiknet på ein stor forfattar i Italia på denne tida.
- Spørsmål 5 av 8
5.
Denne forfattaren her er mellom anna kjend for heite dikt om lesbisk kjærleik. Portrettet er ikkje eigentleg av henne (ho levde nemleg for over 2500 år sidan), så det seier kanskje mest om mannen som målte det på 1800-talet sine førestillingar om denne myteomspunne poeten. Kven er det?
Du har heilt rett i at dette er Sapfo, den store poeten frå Lesbos. Ho levde på 600-talet før Kristus, og allereie i si eiga samtid, som ikkje akkurat var kvinnevennleg, var ho rekna mellom dei aller største forfattarane. Vi har framleis nokre av dikta hennar i dag, og noko av det fascinerande med å lese dei er kor moderne dei verkar.
You may forget but
Let me tell you
this: someone
in some future
will think of us
Nei, nei!
Dette er jo Sapfo, den store poeten frå Lesbos. Ho levde på 600-talet før Kristus, og allereie i si eiga samtid, som ikkje akkurat var kvinnevennleg, var ho rekna mellom dei aller største forfattarane. Vi har framleis nokre av dikta hennar i dag, og noko av det fascinerande med å lese dei er kor moderne dei verkar.
You may forget but
Let me tell you
this: someone
in some future
will think of us
- Spørsmål 6 av 8
6.
Dette er forfattaren av boka som filmen I am not your negro (2016) er basert på. Det er altså den prisløna aktivisten og forfattaren i framgrunnen av biletet vi er ute etter namnet på: Kven er det?
Oh yeah – dette er James Baldwin, som skreiv knyttneve-sterke bøker om tema som rase, seksualitet og sosial klasse på midten av 1900-talet. Han var vener med Malcolm X og Martin Luther King, Jr. og spela ei viktig rolle både for the Civil Rights Movement og Gay Liberation Movement.
Nope – dette er James Baldwin, som skreiv knyttneve-sterke bøker om tema som rase, seksualitet og sosial klasse på midten av 1900-talet. Han var vener med Malcolm X og Martin Luther King Jr. og spela ei viktig rolle både for the Civil Rights Movement og Gay Liberation Movement.
- Spørsmål 7 av 8
7.
Han er kjend både for den intense maskuliniteten i tekstane sine, og for sitt eventyrlege liv. Begge deler kjem tydeleg fram i forfattarportrettet … Namnet på denne karen er?
Yes, dette er sjølvsagt Mr. Ernest Hemingway, ein forfattar som har hatt stor påverknad på engelskspråkleg litteratur i det 20. hundreåret, og som i 1954 fekk Nobelprisen i litteratur!
Nope, dette er jo Mr. Ernest Hemingway, ein forfattar som har hatt stor påverknad på engelskspråkleg litteratur i det 20. hundreåret, og som i 1954 fekk Nobelprisen i litteratur!
- Spørsmål 8 av 8
8.
Du har sett henne på 500-lappen (dersom du framleis brukar kontantar) – men kva er det eigentleg ho heiter?
Dette er sjølvsagt Sigrid Undset, forfattaren av bøkene om Kristin Lavransdatter, og ein av tre norske forfattarar gjennom tidene til å motta Nobelprisen i litteratur.
Nei og nei!
Dette er sjølvsagt Sigrid Undset, forfattaren av bøkene om Kristin Lavransdatter, og ein av tre norske forfattarar gjennom tidene til å motta Nobelprisen i litteratur.
Resultat:
Vurdering:
Har du lagt merke til at dei mannlege forfattarane smiler mykje sjeldnare på forfattarportrettet sitt enn dei kvinnelege? I denne saka prøvde vi å finne ut kvifor.
