MENYLUKK
TIPS OSS
TIPS OSS

Frå «havfruer» til frostbitne fingrar – sjå dei eklaste museumsgjenstandane

Kvar fredag inviterer museet i Yorkshire til #curatorbattle. Sjå dei marerittvekkjande kandidatane.

Bente Kjøllesdal
Publisert

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Det britiske Yorkshire Museum når publikum på ein heilt spesiell måte. Kvar fredag tek dei til Twitter, og utfordrar andre museum til kurator-duell.

– Sosiale medium er ein av dei få måtane vi framleis kan nå publikum, så vi har arbeidd veldig hardt for å kome på innovative og interessante idear for å få folk til å prate og lære om objekta vi har, seier Lee Clark, kommunikasjonssjef for York Museum Trust, til nettstaden Bored Panda.

Førre fredag var temaet av den skumle sorten med emneknaggen #creepiestobject, og resultatet er ikkje for sarte sjeler.

Yorkshire Museum starta ballet og delte eit bilete av ein hårdott som er over 1500 år gamal, men framleis har hårnålene på plass:

Ariels skumle systrer

Nasjonalmuseet i Skottland var ikkje vanskelege å be, og synte fram denne havfrua dei har i si naturvitskapelege samling:

Som om ikkje det var nok, museet har TO havfruer:

Eit av objekta i samlinga til den naturvitskapelege avdelinga av Nasjonalmuseet i Skottland. Foto: Naturhistorisk avdeling på Twitter

Nasjonalmuseet fortel at bakre del av havfrua stammar frå ein type leppefisk, medan hovudet og overkroppen er ein skulptur med ein fiskekjeve i munnen. Eit slåande syn er det i alle fall.

Pestmaske

Historiemuseet i Berlin, Deutsches Historisches Museum, kunne diske opp med ei pestmaske som er over 300 år gammal:

Pestmaske frå 1650/1750. Foto: Deutsches Historisches Museum på Twitter.

Frostbitne fingrar

Klør du i fingrane etter eit ganske makabert syn? Militærmuseet National Army Museum i London har dei frostbitne fingertuppane til majoren Michael «Bronco» Lane til utstilling.

Han mista fingrane i 1976, då han klatra Mount Everest, men bevarte dei i formaldehyd og valde seinare å donere dei til museet.

Heks på flaske

Oxford-professoren Dan Hicks slår på stortromma og syner fram ikkje mindre enn tre objekt frå universitetet si samlinga hjå Pitt Rivers Museum.

Først ut, eit sauehjarte med spiker i som skulle bryte forheksingar:

Eit sauehjarte med nåler i, tredd på eit tau. Det skulle bryte forheksingar. Frå 1911. Foto: Dan Hicks på Twitter.

Scarborough Collections kunne på Twitter melde om at dei hadde noko liknande i sine samlingar, nemleg eit duehjarte med nåler! Og meininga med det var å straffe ei heks.

Professor Hicks høgna, og kunne vise at Oxford hadde ei heks på flaske, som dei hadde fått av ei gammal dame for over 100 år sidan:

Denne flaska, som vart samla inn frå ei gammal britisk dame kring 1915, skal innehalde ei heks. Dersom ho vert sleppt ut vert det trøbbel. Foto: Dan Hicks på Twitter

Frykta for hekser kan kanskje forklare kvifor nokon ein gong valde å gå rundt med tuppen av ei mennesketunge som amulett, som professoren òg synte fram:

Tuppen av ei mennesketunge, som har vorte boren rundt som ein lykkeamulett ei god stund før den vart samla av AW Brown i 1897. Foto: Dan Hicks på Twitter.

Forheksa barneleike

Det skortar ikkje på skumle greier i Canada heller. Museumsstiftinga PEI Museum and Heritage Foundation delte eit bilete av det dei hevdar er ein forheksa barneleike.

Den fann dei visst i veggen på eit 155 år gamalt herskapshus, og om ein nokon sinne skal prise seg lukkeleg for vanskane med å kome inn på bustandsmarknaden så er det no:

Britiske barn har ikkje kome særleg billig unna heller, for Egham Museum kunne syne fram bevis A og B i saka «kvifor dokker er tidenes skumlaste leike».

Og Australian National Maritime Museum presenterer glatt bevis C:

Ikkje at dokker vert særleg betre når dei har ei nytta utover leik, som denne nåleputa viser:

Om du ikkje får nok skumle museumsgjenstandar, scroll deg gjennom tråden.

Men for å oppsummere Twitter-reaksjonane:

Les også: Vil ha eiga utstilling av «dei etterlatne»: – Skamutstoppa dyr treng også kjærleik

For stygge til å få bli med i utstilling. Kollasj av “De etterlatte” som Universitetsmuseet har kalla dyra som ikkje får bli med når museet opnar igjen 14.oktober. Foto: UiB


Relaterte saker

Mann jublar ved eit gigantisk graskar.

Dette er verdas tyngste graskar

Gamal kvinne og yngre mann i tandemhopp.

104-åring med fallskjermrekordforsøk: – Alder er berre eit tal

Mange folk kastar støvlar i vêret.

Ny verdsrekord i støvelkasting