Fram til 1999 kåra TIME berre «Årets mann». No vil dei bøta på dei i 72 åra der kvinner vart oversett og lanserer sine kandidatar til «Årets kvinne» for alle åra fram til i dag.
Denne artikkelen er eldre enn 1 år gamal. Det betyr at noko av informasjonen kan vere utdatert.
I samband med 100-årsjubileet for sufragett-rørsla, har TIME gått tilbake og sett på kvart einaste år sidan 1920, med nye augo: på jakt etter kvinner som på kvar sine måtar var med å forandra og setje avtrykk i si tid.
https://gph.is/g/a99GjX8
I ei svært visuell framstilling har TIME Magazine no publisert «100 Women of the year».
Her set dei søkelyset på kvinner som av ulike grunnar har blitt oversett gjennom tidene – av magasinet sjølv.
Slik heidrar TIME kvinnene. Skjermdump: TIME
«Årets kone»
I 72 år kåra TIME «Årets mann» med dei tilhøyrande ikoniske cover-bileta, som har forma vårt syn på historia. Dette var dei som vart sett på som dei viktige i si tid. Og (nestan) alle var menn.
Berre eí kvinne, Soong Mei-ling, vart anarkjent (saman med mannen sin) før 1999, då under tittelen «Årets mann og kone» i 1937.
Gruppa «Amerikanske kvinner» fekk tittelen i 1975.
Soong Mei-ling var på omslaget av TIME i 1937 og amerikanske kvinner fekk æra i 1975. Omslag: TIME
Kvinner ut av skuggen
Ikkje før i 1999 endra TIME tittelen til «Årets person». Likevel var det ikkje store endringa å sjå på kåringane. Det var framleis stort sett menn.
– Eg lurar på kor annleis dei vekelege vurderingane ville vore, hadde det vore nokre kvinner i rommet, seier tidlegare TIME-redaktør, Nancy Gibbs i ein artikkel i samband med prosjektet.
TIME meiner prosjektet er ei øving i å sjå korleis kvinner hadde makt, i lys av systemisk ulikskap.
– Med dette prosjektet set me lyset på kvinner med stor påverknad som ofte vart overskygga, skriv dei på sine sider.
Svenske Greta Thunberg (16) er kåra til årets person av Time magazine. Skjermdump/faksimile
