Musikkvideo frå Alan Walker med over ein milliard visingar
Musikkvideoen til låten «Alone» av Alan Walker, som er spelt inn på Ulriken i Bergen, har no over ein milliard visingar på strøymetenesta YouTube.
Denne artikkelen er eldre enn 1 år gamal. Det betyr at noko av informasjonen kan vere utdatert.
Musikkvideoen som viser både Paris, Ulriken i Bergen og Trolltunga i Odda, vart lagt ut 6. desember 2016, og har no bikka 1 milliard visningar på Youtube.
Skjermdump frå musikkvideoen «Alone», der ein ser utsikten over Bergen frå Ulriken.
– Det er flott at Alan Walker vel å bruke heimbyen sin som kulisse for ein slik produksjon. Ein video med bilete frå Bergen som passerer ein milliard visingar, har sjølvsagt ein verdi for byen, seier reiselivsdirektør Anders Nyland i Visit Bergen til Bergens Tidende.
Musikkvideoen er regisert av: Rikkard & Tobias Häggbom.
Sjå videoen
Walker har 32,3 millionar abonnentar på YouTube.
Gjennombrotslåten hans «Faded» er den 18. mest sette videoen nokosinne, med nesten 2,7 milliardar visningar. Den musikkvideoen blei spelt inn i Aust-Europa.
