Australia: Kastar mat frå helikopter for å hindre at skogbrannråka dyr svelt

Bente Kjøllesdal
Publisert

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Sidan september i fjor har dei pågåande skogbrannane i Australia svidd av eit område på kring 84.000 km2, og ein reknar med at over éin milliard dyr har mista livet.

Kring 800 millionar dyr har døydd i delstaten New South Wales åleine.

Styresmaktene i delstaten vil sikre at dyra som framleis er i live ikkje svelt i hel, og har difor floge over dei utsette områda og kasta ut fleire tusen kilo gulrøter og søtpoteter.

Maten brenn vekk

Særleg utsett er den børstehala klippewallabyen, som allereie var truga i søraustlege Australia før brannane. Ifølgje ABC News frykta styresmaktene at arten si overleving no vil verte endå meir komplisert.

– Wallabyane overlever vanlegvis brannen, men vert så stranda med avgrensa matkjelder sidan brannen fjernar vegetasjonen kring det steinete habitatet deira, seier miljøministeren i New South Wales, Matt Kean, til ABC News.