Julefeiring verda rundt – i bilete

Andrea Rygg Nøttveit
Publisert
Oppdatert 03.02.2020 10:02

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Her kjem eit lite biletsveip over første del av feiringa, verda over:

Julefeiring i nytt land

Ifølgje FN er det i 2019 70,8 millionar menneske på flukt, anten internt i eige land eller over landegrenser.

Dei største gruppene kjem frå Syria, Palestina, Afghanistan og Sør-Sudan, men også i Sør-Amerika flyktar fleire, flest frå Venezuela og Colombia.

Isabel (21) og hennar sju år gamle dotter ser på juletreet på hotellet dei søv på etter å ha blitt teke imot ved grenseovergangen i Brownsville, Texas. 7-åringen har ein medfødd sjukdom og dei har vorte nekta innreise til USA tre gonger, men tysdag 17. desember fekk dei koma inn. Foto: AP Photo/Veronica G. Cardenas

Jul i Pakistan

Islam er den klart største religionen i Pakistan, men det er også sikhar, kristne, hinduar og animistar i landet.

Landet har trusfridom nedfelt i grunnlova, men strenge blasfemilover legg ein dempar på dette. Eit døme er den kristne fembarnsmora Asia Bibi, som vart dødsdømt for blasfemi i 2010. Dommen vart omgjort i pakistansk høgsterett etter massivt internasjonalt press og Bibi måtte rømma til Canada på grunn av eigen tryggleik.

Julenissen har med seg ein kross til ei førjulssamling i Lahore, Pakistan. Foto: AP Photo/K.M. Chaudary

Jul i Sør-Korea

Sør-Korea er ikkje eit spesielt religiøst land. Over halvparten er ikkje tilknytta nokon religion. I underkant av 30 prosent er kristne, flest av desse protestantisk, difor er jula den desidert største høgtida i landet.

Julenissen og hans sørkoreanske hjelparar går gjennom gatene i hovudstaden Seoul. Foto: AP Photo/Ahn Young-joon

Jul i USA

4. desember vart lysa i julegrana ved Rockefeller senter i New York tende med eit storslagent show. Ei rekkje store artistar deltok på den tradisjonsrike amerikanske førjulsseremonien.

Billy Porter og Idina Menzel, som har stemma til Elsa i Frost opptrer på den tv-sendte tenninga av julegrana ved Rockefeller Center i New York. Foto: Diane Bondareff/AP Images for Tishman Speyer

Amerikanarane elskar jul og feiringa har til og med sett sitt preg på riksrettsbråket kring Donald Trump:

Tysdag 17. desember samla ei gruppe demonstrantar seg ved Wallace F. Bennett Federal Building i Salt Lake City, Utah med ein tydeleg bodskap om at dei meinte president Donald Trump burde stillast for riksrett. Dagen etter stemte representantenes hus for å stilla den amerikanske presidenten for riksrett. Foto: Scott G Winterton/The Deseret News via AP

Dette bilete er teke før Donald Trump vart den tredje amerikanske presidenten gjennom historia som vert stilt for riksrett:

President Donald Trump og førstedame Melania Trump stod for den offisielle julegrantenninga i Washington D.C torsdag 5. desember. Foto: Manuel Balce Ceneta

Jul i Storbritannia

Også i Storbritannia har det vore ei spanande politisk førjulstid med nyval 12. desember. Statsminister Boris Johnson kan smila breitt etter at Dei konservative gjorde eit brakval og sikra seg eit reint fleirtal i det britiske Underhuset.

Storbritannias statsminister Boris Johnson sjarmerte veljarar med å sy med denne festpynta maskina ved John Smedley Mill i Matlock, England, før britane gjekk til valurnene. Foto: (Hannah McKay/Pool via AP)

Og om du ikkje har motteke årets julekort frå Camilla og Charles kan du ta ein kikk her:

Årets julekort frå Storbritannias prins Charles og Camilla, hertuginna av Cornwall, er teken på Cuba av AP-fotograf Ramon Espinosa. Foto: Dominic Lipinski/Pool via AP

Jul i Frankrike

Juleførebuingane i Frankrike har ikkje vore like lystige med massive protestar mot president Emmanuel Macron sine pensjonsreformer.

Ein jernbanearbeidar iført nisselue under ein demonstrasjon i Marseille tysdag 17. desember. Foto: AP Photo/Daniel Cole

Jul i Hongkong

Demonstrantar i Hongkong skriv julekort til dei som sit fengsla for protestane mot kinesiske styresmakter.

Demonstrantar skriv oppløftane ord til dei som har vorte fengsla for saka. Foto: AP Photo/Mark Schiefelbein

Jul på flyplassen i Vilnius

Lat oss håpa at ikkje mange vert sitjande på flyplassen på julaftan, men i Vilnius lokkar dei i det minste fram julestemninga på ein kreativ måte. Dette juletreet er sett saman av konfiskerte gjenstandar:

På flyplassen i Lithauens hovudstad Vilnius har flyplasspersonell vore kreative og laga julepynt av konfiskerte gjenstandar. Neste gong legg du kanskje saksa att heime? Foto: (AP Photo/Mindaugas Kulbis

Jul i Tsjekkia

Ikkje alle juletradisjonar er like vakre. I austlege delar av Tsjekkia har dei ein årleg juleprosesjon der St. Nikolas deler ut godteri til borna, men vesen i djevelmasker skremmer dei. Skulle tru dei blanda saman to høgtider.

St. Nikolas og djevlane poserer under prosesjonen i den tsjekkiske småbyen Valasska Polanka. Foto: AP Photo/Petr David Josek

Jul i Russland

Våre naboar i aust kan å dekorera storslagent. Sjå berre her:

Juledekorasjonar framfor Christ the Savior Cathedral i Moskva. Foto: AP Photo/Alexander Zemlianichenko

Ei Snegurochka (Snøtjenarinne) viser juleleiker i Moscow GUM State Department store. Foto: AP Photo/Pavel Golovkin

 

Illustrasjon: Linn Isabel Eielsen