Fleirtalet vil ha gratis skulemat

Høgres veljarar er dei einaste som svarer med overvekt på eigendel, viser undersøkinga Sentio har utført for Fagforbundet, ifølgje Dagsavisen.

Veljarar i Venstre og Frp er heilt delte i spørsmålet, medan det største fleirtalet for gratis skulemat er å finne blant SV-veljarar, der 92 prosent er for.

Freddy André Øvstegård (SV). Foto: SV

Stortingsrepresentant Freddy Øvstegård (SV) er ikkje overraska over tala. Han meiner at saka handlar om gratisprinsippet i skulen, men òg om rettferd og likskap i velferdsstaten.

– Eigendel for skulemat blir som å vedta klasseforskjellar som eit grunnleggande prinsipp. Det vil skape ei lagdeling i skulen.

• Lurer du på korleis kvardagen som stortingspolitiker er? Her får du svar! 

Eldre- og folkehelseminister Sylvi Listhaug. Foto: Alexander Helberg, IC Hendel/Flickr/CC BY-ND 2.0

Listhaug: – Dei fleste har råd

Eldre- og folkehelseminister Sylvi Listhaug (Frp) ønsker å innføre foreldrebetalt skulemat, som ville kosta mellom 300 og 500 kroner i månaden.

– Eg trur dei fleste har råd. Det er jo òg ein kostnad ved å lage matpakkar kvar morgon, sa Listhaug i juni. Ho opna for eigne ordningar for å ta vare på barn i låginntektsfamiliar.

• Les også: Berre ti kommunar i Noreg seier dei har skular med sin eigen skulehage der elevane kan dyrka mat til skulekjøkkenet – går glipp av lærerikt klimatiltak

– Eg synest det er gøy å plante, og sjå plantene vekse, seier Sebastian Kärtstedt (10). Saman med Aliza Butt (10) og Amelia Asar Chadnry (11). Alle foto: Christian Gjerde