Læreplangruppa til Utdanningsdirektoratet la torsdag ettermiddag fram det første utkastet til nye læreplanar som skal bli gjeldande frå hausten 2020.

Her er nokre av dei viktigaste forslaga:

VIDAREGÅANDE:
– Talet på kompetansemål på VG2 og VG3 studiespesialisering blir redusert frå 37 til 16.

– Fordjupingsoppgåva på VG3 forsvinn. I staden skal det vera meir fordjuping gjennom heile faget.

– Kuttar ut eigen karakter i sidemål og hovudmål i undervegsvurderinga på VG1 og VG2, og erstattar denne med éin felles skriftleg karakter.

– Elevane skal kunna skriva fagartiklar og essay.

UNGDOMSSKULEN:

– Talet på kompetansemål blir redusert frå 27 til 13.

– Kuttar ut eigen karakter i sidemål og hovudmål i undervegsvurderinga på 8. og 9. trinn, og erstattar denne med éin felles skriftleg karakter.

MELLOMTRINNET:

– Talet på kompetansemål blir redusert frå 19 til 17.

ELLES:

– Teksttypane argumenterande, reflekterande og kreative tekstar blir ikkje nemnt i læreplanen.

– Elevane skal bruka metaspråk om setningsoppbygning og ulike setningstypar.

– Kreative tekstar blir tona ned, i staden blir det meir akademisk skriving.

Sjå det nye framlegget her! og samanlikn med dagens læreplan her!

Høyringsfristen er 14. november.