Folk et isprodusentar tomme for is
Denne artikkelen er eldre enn 1 år gamal. Det betyr at noko av informasjonen kan vere utdatert.
I mai hadde Hennig-Olsen ein vekst på 30 prosent. I juni har veksten vore på 20 prosent, skriv Dagens Næringsliv.
– Det er beklageleg at vi går tom for is, men det er ein heilt spesiell situasjon. Vi har hatt den beste sommaren nokosinne, seier Paal Hennig-Olsen, administrerande direktør i Hennig-Olsen Is til DN.
Les også: Desse fem bøkene bør du lese i sommar
Stor vekst i salet
Også Norgesgruppen fortel om utfordringar knytt til mangel på utval på grunn av det enorme issalet.
– Folk et isdiskane tomme. I år starta sommarsesongen veldig tidleg på grunn av det veldig fine vêret, seier Kine Søyland, kommunikasjonssjef i Norgesgruppen.
Diplom-Is opplyser at dei har hatt salsrekord i mai og juni, og kan også fortelje om ein vekst samanlikna med i fjor.
– I perioden mai til juli har vi hatt ein samla vekst på omtrent 26 prosent i omsetning i forhold til fjoråret. Så langt i år har veksten på enkelte variantar vore opp mot 60 prosent, seier Rita Kristin Broch, administrerande direktør i Diplom- Is
Les også: Gratis hytteperler i statleg regi
