Vil fjerne lovfesta rett til spesialundervisning
Denne artikkelen er eldre enn 1 år gamal. Det betyr at noko av informasjonen kan vere utdatert.
I februar 2017 vart det på oppdrag frå frå Kunnskapsdepartementet oppretta ei gruppe som skulle vurdere tilbodet til barn og unge med behov for særskilt tilrettelegging i barnehage, grunnskole og videregåande opplæring. Bakgrunnen var at det eksisterande tilbodet ikkje var tilfredsstillande for denne gruppa av barn og unge i norsk barnehage og skole.
I dag mottok kunnskapsminister Jan Tore Sanner ekspertutvalet sin rapport
om tilbodet til barn og unge med behov for særskild tilrettegging i barnehage og skole. Rapporten viser ei rekke utfordringar ved dagens spesialundervisning.
Organisasjonen Unge funksjonshemmede er einige i at det finst problem, men er ikkje nøgde med alle forslaga.
Vil fjerne den lovfesta retten til spesialundervisning
Eit av råda frå ekspertutvalet er å fjerne den lovfesta retten til spesialundervisning.
– Det er ei misforståing at å fjerne retten til spesialundervisning vil gi elevar med nedsett funksjonsevne betre undervisning. Det vil vere eit feilsteg av regjeringa å følge tilrådinga. Elevar med nedsett funksjonsevne treng at kvaliteten på spesialundervisninga blir heva, seier styreleiar i Unge funksjonshemmede Camilla Lyngen i ei pressemelding.
Unge funksjonshemmede støttar utvalet sitt forslag om å sikre lærarar auka kompetanse, og at elevar med behov for særskild tilrettelegging skal ha rett til lærarar med godkjent pedagogisk utdanning.
– Dette er gode tiltak, som kan bidra til å oppfylle retten til spesialundervisning. Eleven sin rett til god spesialundervisning må styrkast, ikkje svekkast. Forslaget om å fjerne retten til spesialundervisning vil få alvorlege konsekvensar. Å kjempe mot dette blir ei av våre hovudsaker fremover, seier Lyngen.
